இட ஒதுக்கீடும் பொதுப்புத்தியும்

ஒரு பாலம் இடிந்து விழுந்தால், கோட்டாவில் படித்து வந்த பொறியாளர்கள் தரம் இல்லை என்பார்கள்.

ஒரு ராக்கெட் கடலில் விழுந்தால், ISRO விஞ்ஞானிகள் என்ன சாதி என்று யாரும் கேட்க மாட்டார்கள். இத்தனைக்கும் திருப்பதிக்குப் போய் சாமி கும்பிட்டு வேறு ராக்கெட் அனுப்புவார்கள்.

Image may contain: 1 person, smiling, text

பார்க்க – முகநூல் உரையாடல்

ரிசர்வ் வங்கி ஆளுநர்கள் யார்?

இந்தியா விடுதலை பெற்றதில் இருந்து ஒரு ரிசர்வ் வங்கி கவர்னர் கூட SC/ST/OBC சாதிகளைச் சேர்ந்தவர்கள் இல்லை என்கிறார்கள். இந்தத் தகவல் சரியா என்று உறுதிப்படுத்திச் சொல்லுங்கள். இது தான் இன்றைய வீட்டுப் பாடம்.

தகவல் – List of Governors of Reserve Bank of India
பார்க்க – முகநூல் உரையாடல்

100% இட ஒதுக்கீடு நிறைவேற்றலாமா?

கேள்வி: சாதி வாரி கணக்கெடுத்து 100% இட ஒதுக்கீடு நிறைவேற்றலாமே?

பதில்: 2011 மக்கள் தொகை கணக்கெடுப்பின் படி, தமிழ்நாட்டின் சாதி வாரி மக்கள் தொகை விவரம் பின்வருமாறு:

* பிற்படுத்தப்பட்ட சாதிகள் – 68%
* பட்டியல் இனத்தவர் – 20.01%
* பட்டியல் இனப் பழங்குடிகள் – 1.10%

எஞ்சி இருக்கும் முன்னேற்றப்பட்ட சாதிகள் = 10.89%

இந்த 10.89% இட ஒதுக்கீட்டை விட இப்போது இருக்கும் 31% பொதுப்பிரிவு இட ஒதுக்கீடு முன்னேற்றப்பட்ட சாதிகளுக்குச் சாதகமான ஒன்று தான். அதிலும் NEET, TET போன்ற குளறுபடித் தேர்வுகளை அறிமுகப்படுத்தினால் பொதுப்பிரிவில் கூடுதல் இடங்களை அள்ளலாம்.

அப்படியே மக்கள் தொகை அடிப்படையில் 100% இட ஒதுக்கீடு கொண்டு வந்தால் 2 விளைவுகள் வரும்:

1. எல்லா சாதிகளும் போட்டி போட்டு குழந்தைகளைப் பெற்றுக் கொள்வார்கள். மாநிலத்தின் மக்கள் தொகை எகிறும். குடும்பங்களின் வாழ்க்கைத் தரம் பாதிக்கும். பெண்கள் மீண்டும் பிள்ளை பெறும் இயந்திரங்களாக மாற்றப்படுவார்கள்.

2. மக்கள் தொகைக் கணக்கெடுப்பில் மோசடி நடைபெறும். ஆளாளுக்குத் தங்கள் தொகையை ஏற்றிக் காட்ட முனைவார்கள்.

தொடர்புடைய குறிப்புகள்:

* As per the 2011 Census of India, Scheduled Castes and Scheduled Tribes accounted for 20.01 percent and 1.10 percent of Tamil Nadu’s 72 million population. The Other Backward Classes (OBCs) formed 68% of the state’s population. தகவல் – விக்கிப்பீடியா, தமிழக அரசு நீதிமன்றத்தில் தெரிவித்த குறிப்பு.

பார்க்க – முகநூல் உரையாடல்

இட ஒதுக்கீடு – வாசிப்புப் பட்டியல்

* நிறைய பேர் இட ஒதுக்கீடு தொடர்பாக ஆங்கிலத்தில் எழுதினால் பிற மொழி நண்பர்களுக்கு விளக்க உதவியாக இருக்கும் என்றார்கள். Mohan Vanamalai என்று ஒருவர் இது தொடர்பாக Quoraவில் எழுதிக் குவித்திருக்கிறார். ஒவ்வொரு விடையும் ஒரு தோட்டாவின் கூர்மையோடு பாய்கிறது. தவற விடாதீர்கள்.

* சமூகநீதி வரலாற்றைச் சுமக்கும் தமிழ்நாடு கடந்துவந்த பாதை – இட ஒதுக்கீடு வரலாறு

* இட ஒதுக்கீடு ஏன் தேவை என்பதன் அடிப்படையை விளக்கும் இரண்டு Power point கோப்புகள். கட்டாயம் படியுங்கள். பகிருங்கள். குறிப்பாக, நீங்கள் பணி செய்யும் இடங்களில்.

** Reservation Part 1 Basics. (PDF, PPT)
** REservation Part 2 Hurdles in implementation. (PDF, PPT)

* தமிழ்நாட்டின் 147 ஆண்டு கால இட ஒதுக்கீட்டுப் போராட்ட வரலாறு
* 20.11.1916 அன்று வெளியிடப்பட்ட பார்ப்பனர் அல்லாதார் கொள்கைப் பிரகடனம்
* இட ஒதுக்கீடு – ஏன் சாதி அடிப்படையில் தேவை? பேரறிஞர் அண்ணா எழுதிய கட்டுரைகளின் தொகுப்பு.

பார்க்க – முகநூல் உரையாடல்

 

பொருளாதார அடிப்படையில் இட ஒதுக்கீடு தரலாமே?

கேள்வி: பொருளாதார அடிப்படையில் ஏன் இட ஒதுக்கீடு அளிக்கக் கூடாது?

பதில்: ஒருவரிடம் பணம் இல்லை என்றால் அவருக்கு வங்கிக் கடன், கல்வி உதவித் தொகை தாருங்கள். ஏன் அவர் வாழ்நாளுக்கும் கல்வி, மருத்துவம், உணவு, இருப்பிடம் அனைத்தும் இலவசம் என்று கூட திட்டம் கொண்டு வாருங்கள்.

வேலை பார்க்க சம்பளமே தராவிட்டாலும் கூட பிறப்பின் அடிப்படையில் பாகுபாடு பார்த்து யாருக்கு கல்வி, வேலை, பதவி உயர்வு தர மறுக்கிறார்களோ அவர்களின் உரிமையைப் பெற்றுத் தரும் போராட்டம் தான் இட ஒதுக்கீடு.

இட ஒதுக்கீடு என்பது அதிகாரப் பகிர்வு!

பார்க்க – முகநூல் உரையாடல்